1. «Ցորենի ալյուր» ապրանքային շուկայում 2009 թվականին արտադրվել է 126477,1 տոննա, ներկրվել է` 4157,6 տոննա և իրացվել է` 126606,2 տոննա ցորենի ալյուր: 2009 թվականին ցորենի ալյուրի շրջանառության ոլորտում գործել են թվով 51 տնտեսվարող սուբյեկտ:
«Ցորենի ալյուր» ապրանքային շուկայի կառուցվածքի ուսումնասիրության նպատակով տեղեկատվություն է պահանջվել ցորենի ալյուր ներկրող, արտադրող և իրացնող թվով 4 տնտեսվարող սուբյեկտից (4 տնտեսվարող սուբյեկտի ընդհանուր բաժինը իրացման ընդհանուր ծավալում կազմում է 85,6 տոկոս), մնացած թվով 47 տնտեսվարող սուբյեկտի մասով` Հայաստանի Հանրապետության կառավարությանն առընթեր պետական եկամուտների կոմիտեի կողմից տրամադրված իրացման ծավալներն ընդունվել են որպես իրացում: Գյուղացիական տնտեսությունների կողմից ցորենի ալյուրի արտադրության և իրացման ծավալները ընդգրկված չեն ուսումնասիրության արդյունքներում:
«Ցորենի ալյուր» ապրանքային շուկայի կառուցվածքի ուսումնասիրության նպատակով տեղեկատվություն է պահանջվել ցորենի ալյուր ներկրող, արտադրող և իրացնող թվով 4 տնտեսվարող սուբյեկտից (4 տնտեսվարող սուբյեկտի ընդհանուր բաժինը իրացման ընդհանուր ծավալում կազմում է 85,6 տոկոս), մնացած թվով 47 տնտեսվարող սուբյեկտի մասով` Հայաստանի Հանրապետության կառավարությանն առընթեր պետական եկամուտների կոմիտեի կողմից տրամադրված իրացման ծավալներն ընդունվել են որպես իրացում: Գյուղացիական տնտեսությունների կողմից ցորենի ալյուրի արտադրության և իրացման ծավալները ընդգրկված չեն ուսումնասիրության արդյունքներում:
Իրացման ծավալներով գրավելով տվյալ շուկայի մեկ երրորդից ավելին` «Ալեքս Գրիգ» ընկերությունը «Ցորենի ալյուր» ապրանքային շուկայում համարվել է գերիշխող դիրք ունեցող` 47,3 տոկոս (59912,9 տոննա), իսկ «Մանանա Գրեյն» ընկերությունը պահպանել է իր գերիշխող դիրքը` բաժնի որոշակի փոփոխությամբ (փոփոխվել է 36,77 տոկոսից` 34,4 տոկոսի): Շուկայում գործող մնացած թվով 49 տնտեսվարող սուբյեկտների իրացման ծավալները միասին կազմում են շուկայի ընդամենը 18,3 տոկոսը: «Ցորենի ալյուր» ապրանքային շուկան 2009 թվականին ունեցել է բարձր կենտրոնացվածության աստիճան:
Բուսական յուղի շրջանառության ոլորտում առանձնացվել է երկու ապրանքային շուկա` «Արևածաղկի և եգիպտացորենի բուսական յուղ (ձեթ)» և «Ձիթապտղի բուսական յուղ (ձեթ)»:
2. «Արևածաղկի և եգիպտացորենի բուսական յուղ (ձեթ)» ապրանքային շուկայի ծավալը 2009 թվականին կազմել է 20 768 164 լիտր, որտեղ իրացման առավել մեծ ծավալներն ունեցել է «Ալեքս Գրիգ» ընկերությունը` 37,5 տոկոս (7 781 929 լիտր) բաժնով և համարվել է գերիշխող դիրք ունեցող:
«Արևածաղկի և եգիպտացորենի բուսական յուղ (ձեթ)» ապրանքային շուկայում 2009 թվականի տվյալներով իրացման առավել մեծ ծավալներ ունեցող մյուս երկու տնտեսվարող սուբյեկտներն են «Դոստ Ինտերնեյշնլ» սահմանափակ պատասխանատվությամբ ընկերությունը` 16,1 տոկոս (3 345 877 լիտր) և «ՎԱՍ Գրուպ» սահմանափակ պատասխանատվությամբ ընկերությունը` 10,2 տոկոս (2 125 125,5 լիտր) բաժիններով: «Արևածաղկի և եգիպտացորենի բուսական յուղ (ձեթ)» ապրանքային շուկան 2009 թվականին ունեցել է միջին կենտրոնացվածության աստիճան:
3. «Ձիթապտղի բուսական յուղ (ձեթ)» ապրանքային շուկայի ծավալը 2009 թվականին կազմել է 72 003 լիտր, որտեղ իրացման ամենամեծ ծավալներն ունեցել է «Վեգեքոմ» սահմանափակ պատասխանատվությամբ ընկերությունը` 66,0 տոկոս (47 508 լիտր) բաժնով և համարվել է գերիշխող դիրք ունեցող:
«Ձիթապտղի բուսական յուղ (ձեթ)» ապրանքային շուկայում 2009 թվականի տվյալներով իրացման առավել մեծ ծավալներ ունեցող մյուս երկու տնտեսվարող սուբյեկտներն են «Կարդինալ Ինթերնեյշնլ» սահմանափակ պատասխանատվությամբ ընկերությունը` 13,1 տոկոս (9450 լիտր) և «Հիքսոս» սահմանափակ պատասխանատվությամբ ընկերությունը` 8,9 տոկոս (6396 լիտր) բաժիններով: «Ձիթապտղի բուսական յուղ (ձեթ)» ապրանքային շուկան 2009 թվականին ունեցել է բարձր կենտրոնացվածության աստիճան:
4. «Շաքարավազ» ապրանքային շուկայում 2009 թվականի ընթացքում իրացվել է 71 624 821 կգ շաքարավազ, որտեղ իրացման ամենամեծ ծավալն ունեցել է «Ալեքս-Գրիգ» ընկերությունը: «Շաքարավազ» ապրանքային շուկայում Ալեքս-Գրիգ» ընկերությունը ունի գերիշխող դիրք և նրա բաժինն ընդհանուր իրացման ծավալում կազմել է բնեղեն` 71 611 857 կգ (99,99 տոկոս):
5. «Կարագ» ապրանքային շուկայի իրացման ծավալները 2009 թվականին կազմել է 2031,5 տոննա, որտեղ «Ալեքս-Գրիգ» սահմանափակ պատասխանատվությամբ ընկերությունը 711,7 տոննա իրացման ծավալով (35,04%) պահպանել է գերիշխող դիրքը, իսկ «Մառնիկ» սահմանափակ պատասխանատվությամբ ընկերությունը հանվել է գերիշխող դիրք ունեցող տնտեսվարող սուբյեկտների կենտրոնացված գրանցամատյանում (ռեեստրից) գրանցումից:
2009 թվականի ընթացքում կարագի արտադրությամբ զբաղվել են թվով 6 տնտեսվարող սուբյեկտ, որոնք արտադրել են 339 տոննա կարագ: Արտադրության առավել մեծ ծավալներ ունեն «Դուստր Մարիաննա» սահմանափակ պատասխանատվությամբ ընկերությունը և «Աշտարակ Կաթ» փակ բաժնետիրական ընկերությունը, համապատասխանաբար` 250 տոննա (73,72%) և 86,9 տոննա (25,64%) կարագ: Շուկան 2009 թվականին ունեցել է միջին կենտրոնացվածության աստիճան:
6. «Պանիր» ապրանքային շուկայի ուսումնասիրության նպատակով տեղեկատվություն է պահանջվել պանրի շրջանառության ոլորտում գործունեություն իրականացնող թվով 16 առավել խոշոր տնտեսվարող սուբյեկտներից: Ըստ ներկայացված տեղեկատվության, 2010 թվականի առաջին կիսամյակի ընթացքում Հայաստանի Հանրապետությունում արտադրվել է 761,9 տոննա պանիր, իրացվել է 509,1 տոննա, որի 69,5 տոկոսը եղել է «լոռի» տեսակի, 12,2 տոկոսը` «չանախ» և 18,3 տոկոսը այլ տեսակի պանիր:
«Պանիր» ապրանքային շուկայում իրացման առավել մեծ ծավալներ են ունեցել` «Աշտարակ կաթ» փակ բաժնետիրական ընկերությունը` 32,8 տոկոս բաժնով (167,2 տոննա), «Դուստր Մելանյա» սահմանափակ պատասխանատվությամբ ընկերությունը` 6,1 տոկոս բաժնով (30,88 տոննա) և «Արաքս 2» արտադրական կոոպերատիվը` 5,3 տոկոս բաժնով (27 տոննա): Փաստորեն, «Աշտարակ կաթ» փակ բաժնետիրական ընկերությունը, ունենալով մյուս սուբյեկտների համեմատությամբ իրացման ավելի մեծ ծավալներ, չունի գերիշխող դիրք (չի գրավում շուկայի ընդհանուր իրացման ծավալի առնվազն մեկ երրորդը): Շուկան ունեցել է միջին կենտրոնացվածության աստիճան:
7. «Թթվասեր» ապրանքային շուկայում 2009 թվականին գործել են թվով 9 տնտեսվարող սուբյեկտ, որոնք բոլորն էլ արտադրողներ են: Տնտեսվարող սուբյեկտների տեղեկատվության համաձայն 2009 թվականի ընթացքում թթվասերի արտադրության ծավալը կազմել է` 2 956 479 կգ, իրացման ծավալը` 2 954 343 կգ:
«Թթվասեր» ապրանքային շուկայում իրացման առավել մեծ ծավալներ ունեն` «Աշտարակ-Կաթ» փակ բաժնետիրական ընկերությունը` 50 տոկոս (1 476 347կգ), «Դուստր Մարիաննա» սահմանափակ պատասխանատվությամբ ընկերությունը` 35,1 տոկոս (1 038 439կգ) և «Չանախ» սահմանափակ պատասխանատվությամբ ընկերությունը` 4,1 տոկոս (121 702կգ) բաժիններով: «Աշտարակ-Կաթ» փակ բաժնետիրական և «Դուստր Մարիաննա» սահմանափակ պատասխանատվությամբ ընկերությունները, որպես իրացնող իրացման ծավալներով միասին գրավում են տվյալ ապրանքային շուկայի ավելի քան մեկ երկրորդը` 85,1 տոկոսը և յուրաքանչյուրը տվյալ ապրանքային շուկայում համարվել է գերիշխող դիրք ունեցող: «Թթվասեր» ապրանքային շուկան 2009 թվականին ունեցել է բարձր կենտրոնացվածության աստիճան:
8. «Պաղպաղակ» ապրանքային շուկայում 2009 թվականին գործել են թվով 13 տնտեսվարող սուբյեկտ, որից 3-ը ներկրող են: 2009 թվականի ընթացքում պաղպաղակի ներկրման ծավալը կազմել է 66 672 կգ, արտադրության ծավալը` 1 630 693 կգ, իրացման ծավալը` 1 517 681 կգ, իսկ արտահանման ծավալը` 140 647 կգ: Ընդհանուր իրացման ծավալում ներկրված պաղպաղակի իրացման ծավալը կազմում է 3,7 տոկոս (56 145 կգ), արտադրած պաղպաղակի իրացման ծավալը` 96,3 տոկոս (1 461 537 կգ):
«Պաղպաղակ» ապրանքային շուկայում իրացման առավել մեծ ծավալներն ունեցել են` «Աշտարակ-Կաթ» փակ բաժնետիրական ընկերությունը` 30 տոկոս (455 758 կգ), «Թամարա» սահմանափակ պատասխանատվությամբ ընկերությունը` 20 տոկոս (304 504,3 կգ) և «Գրանդ Քենդի» հայ-կանադական ՀՁ սահմանափակ պատասխանատվությամբ ընկերությունը` 17 տոկոս (250 864,4կգ) բաժիններով: «Աշտարակ-Կաթ» փակ բաժնետիրական, «Թամարա» սահմանափակ պատասխանատվությամբ և «Գրանդ Քենդի» հայ-կանադական ՀՁ սահմանափակ պատասխանատվությամբ ընկերությունները միասին գրավում են տվյալ շուկայի ավելի քան երկու երրորդը` 67 տոկոսը և յուրաքանչյուրը տվյալ ապրանքային շուկայում համարվել է գերիշխող դիրք ունեցող: «Պաղպաղակ» ապրանքային շուկան 2009 թվականին ունեցել է միջին կենտրոնացվածության աստիճան:
9. «Պաստերացված և ստերիլիզացված (մանրէազերծված) կաթ» ապրանքային շուկայում 2009 թվականին գործել են թվով 37 տնտեսվարող սուբյեկտ: 2009 թվականի ընթացքում պաստերացված և ստերիլիզացված (մանրէազերծված) կաթի ներկրման ծավալը կազմել է 324 535 լիտր, արտադրության ծավալը` 2 900 472 լիտր, իրացման ծավալը` 3 117 767 լիտր:
«Պաստերացված և ստերիլիզացված (մանրէազերծված) կաթ» ապրանքային շուկայում իրացման առավել մեծ ծավալներ ունեցել են` «Աշտարակ-Կաթ» փակ բաժնետիրական ընկերությունը` 44,5 տոկոս բաժնով (1388850լ), նրան հաջորդում են «Դուստր Մարիաննա» սահմանափակ պատասխանատվությամբ ընկերությունը` 16,7 տոկոս (520409լ) և «Չանախ» սահմանափակ պատասխանատվությամբ ընկերությունը` 8,1 տոկոս (253434լ) բաժիններով: «Աշտարակ-Կաթ» փակ բաժնետիրական, «Դուստր Մարիաննա» սահմանափակ պատասխանատվությամբ և «Չանախ» սահմանափակ պատասխանատվությամբ ընկերությունները, որպես իրացնող իրացման ծավալներով, միասին գրավում են տվյալ շուկայի ավելի քան երկու երրորդը` 69,4 տոկոսը և յուրաքանչյուրը տվյալ ապրանքային շուկայում համարվել է գերիշխող դիրք ունեցող: «Պաստերացված և ստերիլիզացված (մանրէազերծված) կաթ» ապրանքային շուկան 2009 թվականին ունեցել է միջին կենտրոնացվածության աստիճան:
10. «Մածուն և քամած մածուն» ապրանքային շուկայում 2009 թվականի ընթացքում մածուն և քամած մածուն արտադրվել և իրացվել է թվով 9 տնտեսվարող սուբյեկտի կողմից: Գյուղացիական տնտեսությունների կողմից մածունի իրացման ծավալը կազմել է մածունի իրացման ընդհանուր ծավալի 4,5 տոկոսը:
2009 թվականին արտադրվել է 2 641 701 կգ, իրացվել է 2 633 846 կգ մածուն և քամած մածուն, որտեղ մածնի արտադրության ծավալը կազմել է` 2 518 191 կգ, իրացման ծավալը` 2 511 113 կգ, իսկ քամած մածնի արտադրության ծավալը` 123 510 կգ, իրացման ծավալը` 122 733 կգ:
«Մածուն և քամած մածուն» ապրանքային շուկայում իրացման առավել մեծ ծավալներ ունեն «Դուստր Մարիաննա» սահմանափակ պատասխանատվությամբ ընկերությունը` 36,9 տոկոս բաժնով (971220կգ), «Աշտարակ-Կաթ» փակ բաժնետիրական ընկերությունը` 31,1 տոկոս բաժնով (819 424կգ) և «Չանախ» ՍՊ ընկերությունը` 6,4 տոկոս բաժնով (168 955կգ), որոնք միասին գրավում են տվյալ շուկայի ավելի քան երկու երրորդը` 74,4 տոկոսը և յուրաքանչյուրը տվյալ ապրանքային շուկայում համարվել է գերիշխող դիրք ունեցող: «Մածուն և քամած մածուն» ապրանքային շուկան 2009 թվականին ունեցել է բարձր կենտրոնացվածության աստիճան:
11. «Յոգուրտ» ապրանքային շուկայում 2009 թվականի ընթացքում յոգուրտ արտադրել են թվով 2 տնտեսվարող սուբյեկտ, իսկ իրացվող յոգուրտի մնացած պաշարները ներմուծվել է թվով 11 տնտեսվարող սուբյեկտի կողմից:
2009 թվականին յոգուրտի արտադրության ծավալը կազմել է 231205 կգ, ներկրման ծավալը` 828 933 կգ, իսկ իրացման ծավալը` 1 049 189 կգ: Իրացման ընդհանուր ծավալում ներկրված յոգուրտի իրացումը կազմում է 78,1 տոկոս (819 252,1 կգ), իսկ արտադրված յոգուրտի իրացումը` 21,9 տոկոս:
«Յոգուրտ» ապրանքային շուկայում իրացման առավել մեծ ծավալներ ունեցող տնտեսվարող սուբյեկտներն են` «Բրենդլիդեր» ՀՁ սահմանափակ պատասխանատվությամբ ընկերությունը` 55,3 տոկոս բաժնով (580123 կգ), «Աշտարակ-Կաթ» փակ բաժնետիրական ընկերությունը` 15,8 տոկոս բաժնով (165776 կգ) և «Արթ Վայն» փակ բաժնետիրական ընկերությունը` 7,8 տոկոս բաժնով (81778 կգ), որոնք միասին գրավում են տվյալ շուկայի ավելի քան երկու երրորդը` 78,9 տոկոսը և յուրաքանչյուրը տվյալ ապրանքային շուկայում համարվել է գերիշխող դիրք ունեցող: «Յոգուրտ» ապրանքային շուկան 2009 թվականին ունեցել է բարձր կենտրոնացվածության աստիճան:
12. «Կեֆիր» ապրանքային շուկայում 2009 թվականի ընթացքում կեֆիրի արտադրություն և իրացում իրականացրել են թվով 5 տնտեսվարող սուբյեկտ: 2009 թվականի ընթացքում կեֆիրի արտադրության ծավալը կազմել է` 250922 կգ, իրացման ծավալը` 248219 կգ:
«Կեֆիր» ապրանքային շուկայում իրացման առավել մեծ ծավալներ ունեցող տնտեսվարող սուբյեկտներն են` «Դուստր Մարիաննա» սահմանափակ պատասխանատվությամբ ընկերությունը` 36,5 տոկոս բաժնով (90 695 կգ), «Բիո Կաթ» սահմանափակ պատասխանատվությամբ ընկերությունը` 33,5 տոկոս բաժնով (83 049 կգ) և «Աշտարակ-Կաթ» փակ բաժնետիրական ընկերությունը`18,5 տոկոս բաժնով (45 841 կգ), որոնք միասին գրավում են տվյալ շուկայի ավելի քան երկու երրորդը` 88,5 տոկոսը և յուրաքանչյուրը տվյալ ապրանքային շուկայում համարվել է գերիշխող դիրք ունեցող: «Կեֆիր» ապրանքային շուկան 2009 թվականին ունեցել է բարձր կենտրոնացվածության աստիճան:
13. «Կաթնաշոռ» ապրանքային շուկայում 2009 թվականի ընթացքում կաթնաշոռի արտադրություն և իրացում իրականացրել են թվով 9 տնտեսվարող սուբյեկտ: 2009 թվականի ընթացքում կաթնաշոռի արտադրության ծավալը կազմել է` 786 475 կգ, իրացման ծավալը` 783 875 կգ:
«Կաթնաշոռ» ապրանքային շուկայում իրացման առավել մեծ ծավալներ ունեցող տնտեսվարող սուբյեկտներն են` «Աշտարակ-Կաթ» փակ բաժնետիրական ընկերությունը` 51,1 տոկոս բաժնով (400 490 կգ), «Դուստր Մարիաննա» սահմանափակ պատասխանատվությամբ ընկերությունը` 29,4 տոկոս բաժնով (230 775 կգ) և «Չանախ» սահմանափակ պատասխանատվությամբ ընկերությունը` 6,3 տոկոս բաժնով (49 323 կգ), որոնք միասին գրավում են տվյալ շուկայի ավելի քան երկու երրորդը` 86,8 տոկոսը և յուրաքանչյուրը տվյալ ապրանքային շուկայում համարվել է գերիշխող դիրք ունեցող: «Կաթնաշոռ» ապրանքային շուկան 2009 թվականին ունեցել է բարձր կենտրոնացվածության աստիճան:
14. 2009 թվականի ընթացքում կաթնաշոռի պանրիկի շրջանառության ոլորտում գործել են թվով 4 տնտեսվարող սուբյեկտ, որոնցից երեքը արտադրող են, մեկը` ներկրող: 2009 թվականի ընթացքում կաթնաշոռի պանրիկի ներկրման ծավալը կազմել է 3698 կգ, արտադրության ծավալը` 111134 կգ, իրացման ծավալը` 113797 կգ, արտահանման ծավալը` 488 կգ: «Կաթնաշոռի պանրիկ» ապրանքային շուկայում իրացման առավել մեծ ծավալներ ունեցող տնտեսվարող սուբյեկտներն են` «Աշտարակ-Կաթ» փակ բաժնետիրական ընկերությունը` 77,5 տոկոս բաժնով (88154 կգ), «Դուստր Մարիաննա» սահմանափակ պատասխանատվությամբ ընկերությունը` 18,7 տոկոս բաժնով (21293 կգ) և «Արթ Վայն» փակ բաժնետիրական ընկերությունը 3,1 տոկոս բաժնով (3536 կգ): «Աշտարակ-Կաթ» փակ բաժնետիրական և «Դուստր Մարիաննա» սահմանափակ պատասխանատվությամբ ընկերությունները, որոնք միասին գրավում են տվյալ շուկայի ավելի քան մեկ երկրորդը` 96,2 տոկոսը և յուրաքանչյուրը տվյալ ապրանքային շուկայում համարվել է գերիշխող դիրք ունեցող: «Կաթնաշոռի պանրիկ» ապրանքային շուկան 2009 թվականին ունեցել է բարձր կենտրոնացվածության աստիճան:
15. 2009 թվականի ընթացքում թանի և մածնաբրդոշի շրջանառության ոլորտում գործել են թվով 10 տնտեսվարող սուբյեկտ: 2009 թվականի ընթացքում թանի և մածնաբրդոշի արտադրության ծավալը կազմել է 423179 լիտր, իրացման ծավալը` 423539 լիտր:
«Թան և մածնաբրդոշ» ապրանքային շուկայում իրացման առավել մեծ ծավալներ ունեցող տնտեսվարող սուբյեկտներն են` «Բիո Կաթ» սահմանափակ պատասխանատվությամբ ընկերությունը` 27,4 տոկոս բաժնով (116256լ) և «Դուստր Մարիաննա» սահմանափակ պատասխանատվությամբ ընկերությունը` 22,3 տոկոս բաժնով (94424լ): «Յու Մի» ՀՁ սահմանափակ պատասխանատվությամբ և «Աշտարակ-Կաթ» փակ բաժնետիրական ընկերությունները որպես իրացնող զբաղեցնում են, համապատասխանաբար, երրորդ և չորրորդ տեղերը` 13,5 և 13,2 տոկոս բաժիններով: «Թան և մածնաբրդոշ» ապրանքային շուկան 2009 թվականին ունի միջին կենտրոնացվածության աստիճան:
16. «Հավի ձու` կճեպով» ապրանքային շուկայի կառուցվածքի ուսումնասիրության համար հիմք են հանդիսացել իրացման առավել մեծ ծավալներ ունեցող` թվով 6 տնտեսվարող սուբյեկտների ներկայացրած տեղեկատվությունը:
Համաձայն տնտեսվարող սուբյեկտների կողմից ներկայացված տեղեկատվության` 2009 թվականի երկրորդ կիսամյակում արտադրվել է 139 973 227 հատ ձու, իսկ 2010 թվականի առաջին կիսամյակում 5 873 438 հատ ձու ավելի` 145 846 665 հատ ձու: Իրացման ծավալը նույն ժամանակահատվածում կազմել է համապատասխանաբար 125 616 775 հատ ձու և 118 497 994 հատ ձու:
«Հավի ձու` կճեպով» ապրանքային շուկայում 2010 թվականի առաջին կիսամյակում ««Արաքս թռչնաբուծական ֆաբրիկա» ընկերություն և «Երևանի թռչնաբուծական ֆաբրիկա» ընկերություն» անձանց խումբը 29,16 տոկոս բաժնով և «Լուսակերտի տոհմային թռչնաբուծական ֆաբրիկա» ընկերությունը 26,06 տոկոս բաժնով միասին գրավում են շուկայի 55,22 տոկոսը և տվյալ ապրանքային շուկայում գրավում են գերիշխող դիրք: «Հավի ձու` կճեպով» ապրանքային շուկան ունի բարձր կենտրոնացվածության աստիճան:
17. «Սառեցրած ձկներ» ապրանքային շուկայում 2009 թվականին գործել են 20 տնտեսվարող սուբյեկտ: Սառեցրած ձկների իրացման ընդհանուր ծավալը 2009 թվականին կազմել է 1 887 707,15 կգ, որը 5,1 անգամ ավելի է, քան 2007 թվականի (366 552 կգ) իրացման ծավալը: «Սառեցրած ձկներ» ապրանքային շուկայի իրացման ընդհանուր ծավալում ամենամեծ բաժինն ունի «Մոկոնաթ» սահմանափակ պատասխանատվությամբ ընկերությունը, որի իրացման ծավալը կազմում է 633 351,00 կգ սառեցրած ձուկ (33,55 տոկոս): «Սալեքս Գրուփ» սահմանափակ պատասխանատվությամբ ընկերությունը կորցրել է ապրանքային շուկայում իր գերիշխող դիրքը: «Սառեցրած ձկներ» ապրանքային շուկան միջին կենտրոնացված է:
18. «Բրինձ» ապրանքային շուկայում 2009 թվականի տվյալներով գործել են թվով 27 տնտեսվարող սուբյեկտ, որոնց ներկրման ընդհանուր ծավալը կազմել է 10 307 089,0 կգ, իրացման ծավալը` 9 816 836,3 կգ: «Բրինձ» ապրանքային շուկայում իրացման առավել մեծ ծավալներ ունեն «Ալեքս-Գրիգ» ընկերությունը` 33,6 տոկոս, «Արմեն-Համիկ եղբայրներ» ՀՁ սահմանափակ պատասխանատվությամբ ընկերությունը` 15,1 տոկոս, և «Ինվեստ Ինտորգ» սահմանափակ պատասխանատվությամբ ընկերությունը` 14,1 տոկոս: «Ալեքս Գրիգ» ընկերությունը համարվել է գերիշխող դիրք ունեցող:
«Կարի Թով» և «Մոկոնաթ» սահմանափակ պատասխանատվությամբ ընկերությունները «Բրինձ» ապրանքային շուկայում կորցրել են իրենց գերիշխող դիրքը: Շուկան ունի կենտրոնացվածության միջին աստիճան:
19. «Մայրական կաթին փոխարինող կերեր» ապրանքային շուկայում 2010 թվականի հունվար-մարտ ամիսների տվյալներով իրացման առավել մեծ ծավալներ ունեցող երեք տնտեսվարող սուբյեկտներն են` «Ալեքս Գրիգ» ընկերությունը` 59,89 տոկոս, «Նյու Ֆորս» ընկերությունը` 20,48 տոկոս և «Սլավէքս» ընկերությունը` 10,4 տոկոս բաժիններով, որոնք միասին գրավում են տվյալ շուկայի ավելի քան երկու երրորդը` 90,77 տոկոս և ունեն գերիշխող դիրք:
«Հայր և որդի Երիցյաններ» ընկերությունը «Մայրական կաթին փոխարինող կերեր» ապրանքային շուկայում կորցրել է գերիշխող դիրքը: «Մայրական կաթին փոխարինող կերեր» ապրանքային շուկան ունի բարձր կենտրոնացվածության աստիճան:
կերեր» ապրանքային շուկան ունի բարձր կենտրոնացվածության աստիճան:
20. 2010 թվականի հունվար-մարտ ամիսների ընթացքում Հայաստանի Հանրապետություն ներկրվել է 12 955,08 կգ ընդհանուր ծավալով մանկական շիլաներ թվով 5 տնտեսվարող սուբյեկտի կողմից և իրացվել` 17 522,03 կգ ընդհանուր ծավալով թվով 9 տնտեսվարող սուբյեկտի կողմից:
«Մանկական շիլաներ» ապրանքային շուկայում 2010 թվականի հունվար-մարտ ամիսների տվյալներով իրացման առավել մեծ ծավալներ ունեցող երեք տնտեսվարող սուբյեկտներն են` «Նյու Ֆորս» ընկերությունը` 33,87 տոկոս, «Սլավէքս» ընկերությունը` 30,38 տոկոս և «Բեյբի-Սիմ» ընկերությունը` 19,43 տոկոս բաժիններով, որոնք միասին գրավում են տվյալ շուկայի ավելի քան երկու երրորդը` 83,68 տոկոս և յուրաքանչյուրը համարվել է գերիշխող դիրք ունեցող: «Մանկական շիլաներ» ապրանքային շուկան ունի բարձր կենտրոնացվածության աստիճան:
21. 2010 թվականի հունվար-մարտ ամիսների ընթացքում Հայաստանի Հանրապետություն ներկրվել է 7 263,14 կգ ընդհանուր ծավալով մանկական խյուսեր թվով 1 տնտեսվարող սուբյեկտի կողմից և իրացվել` 8 293,95 կգ ընդհանուր ծավալով մանկական խյուս թվով 4 տնտեսվարող սուբյեկտի կողմից: «Մանկական խյուսեր (պյուրեներ)» ապրանքային շուկայում 2010 թվականի հունվար-մարտ ամիսների տվյալներով իրացման առավել մեծ ծավալներ ունեցող տնտեսվարող սուբյեկտներն են` «Ալեքս Գրիգ» սահմանափակ պատասխանատվությամբ ընկերությունը` 87,57 տոկոս և «Նատալի Ֆարմ» սահմանափակ պատասխանատվությամբ ընկերությունը` 11,96 տոկոս:
«Մանկական խյուսեր (պյուրեներ)» ապրանքային շուկայում 2010 թվականի առաջին երեք ամիսների տվյալներով «Ալեքս Գրիգ» և «Նատալի Ֆարմ» սահմանափակ պատասխանատվությամբ ընկերությունները միասին գրավում են շուկայի ավելի քան մեկ երկրորդը` 99,53 տոկոս և յուրաքանչյուրը համարվել է գերիշխող դիրք ունեցող: «Մանկական խյուսեր (պյուրեներ)» ապրանքային շուկան ունի բարձր կենտրոնացվածության աստիճան:
22. 2010 թվականի հունվար-մարտ ամիսների ընթացքում Հայաստանի Հանրապետություն ներկրվել է 10 480,41 կգ ընդհանուր ծավալով մանկական հյութեր թվով 2 տնտեսվարող սուբյեկտի կողմից և իրացվել` 10 873,98 կգ ընդհանուր ծավալով մանկական հյութեր թվով 2 տնտեսվարող սուբյեկտի կողմից: «Մանկական հյութեր» ապրանքային շուկայում 2010 թվականի հունվար-մարտ ամիսների տվյալներով իրացման առավել մեծ ծավալներ ունեն` «Նատալի Ֆարմ» սահմանափակ պատասխանատվությամբ ընկերությունը` 89,56 տոկոս և «Ալեքս Գրիգ» սահմանափակ պատասխանատվությամբ ընկերությունը` 10,44 տոկոս բաժիններով, որոնցից յուրաքանչյուրը համարվել է գերիշխող դիրք ունեցող:
«Մանկական հյութեր» ապրանքային շուկայում «Սալեքս Գրուփ» ընկերությունը կորցրել է իր գերիշխող դիրքը, իսկ «Ալեքս Գրիգ» ընկերությունը պահպանել է այն: «Մանկական հյութեր» ապրանքային շուկան ունի բարձր կենտրոնացվածության աստիճան:
23. «Բնական հյութեր» ապրանքային շուկայում 2009 թվականի առաջին կիսամյակի ընթացքում Հայաստանի Հանրապետություն է ներկրվել 3316,0 հազար լիտր բնական հյութեր, արտադրվել` 3111,0 հազար լիտր և իրացվել` 7436,3 հազար լիտր: «Բնական հյութեր» ապրանքային շուկայում 2009 թվականի առաջին կիսամյակի տվյալներով իրացման առավել մեծ ծավալներ ունի «Սարգիս Կարոլինա» սահմանափակ պատասխանատվությամբ ընկերությունը` 26,9 տոկոս, «Կոկա-Կոլա ՀԲԸ Արմենիա» փակ բաժնետիրական ընկերությունը` 17,2 տոկոս և «Ֆեռո» սահմանափակ պատասխանատվությամբ ընկերությունը` 13,5 տոկոս բաժիններով:
«Բնական հյութեր» ապրանքային շուկայում իրացման առավել մեծ ծավալներ ունեցող երկու տնտեսվարող սուբյեկտներն իրացման ծավալներով միասին գրավում են շուկայի 44,1%, իսկ 3 տնտեսվարող սուբյեկտները միասին` 57,6%, հետևաբար «Բնական հյութեր» ապրանքային շուկայում առկա չէ գերիշխող դիրք ունեցող տնտեսվարող սուբյեկտ: «Բնական հյութեր» ապրանքային շուկան ուներ միջին կենտրոնացվածության աստիճան:
24. «Մայոնեզ» ապրանքային շուկայում 2009 թվականի ընթացքում Հայաստանի Հանրապետությունում արտադրվել է 138 244,0 կիլոգրամ մայոնեզ: 2009 թվականին, թվով 20 տնտեսվարող սուբյեկտի կողմից, (որոնցից թվով 2-ը հանդիսանում են արտադրող, իսկ թվով 18-ը` ներկրող) Հայաստանի Հանրապետության տարածք է ներկրվել 1 239 692,0 կիլոգրամ մայոնեզ: «Մայոնեզ» ապրանքային շուկայի իրացման ծավալը 2009 թվականի տվյալներով կազմել է 1 118 745,8 կիլոգրամ: Իրացման առավել մեծ ծավալներ ուներ «Մելիքա ՋՄ» սահմանափակ պատասխանատվությամբ ընկերությունը` 52,8 տոկոս: Ապրանքային շուկայում իրացման առավել մեծ ծավալներ ունեցող երեք ընկերությունների բաժինը միասին կազմել է 87,3 տոկոս:
«Մելիքա ՋՄ» ընկերությունը` 590 705,4 կիլոգրամ (52,8 տոկոս) իրացման ծավալներով համարվել է գերշխող դիրք ունեցող: «Մայոնեզ» ապրանքային շուկան ուներ բարձր կենտրոնացվածության աստիճան:
25. «Խտացրած կաթ» ապրանքային շուկայում 2009 թվականի ընթացքում Հայաստանի Հանրապետություն խտացրած կաթ են ներկրել թվով 18 տնտեսվարող սուբյեկտ, որոնց ներկրման ընդհանուր ծավալները կազմել է 2 218,9 տոննա խտացրած կաթ:
«Խտացրած կաթ» ապրանքային շուկայի իրացման ընդհանուր ծավալը 2009 թվականին կազմել է 2 591, 3 տոննա, որտեղ իրացման առավել մեծ ծավալներ ունի «Ֆելիքս Սարգ» ընկերությունը` 40,1 տոկոս (1 040,08 տոննա), որը համարվել է գերիշխող դիրք ունեցող: «Խտացրած կաթ» ապրանքային շուկան ունի բարձր կենտրոնացվածության աստիճան:
26. «Պահածոյացված ձիթապտուղ» ապրանքային շուկայի ծավալը 2009 թվականի տվյալներով կազմել է 2 278 488,8 կիլոգրամ: «Պահածոյացված ձիթապտուղ» ապրանքային շուկայում իրացման առավել մեծ ծավալներ ունեցել է «Վեգեքոմ» ընկերությունը` 56,3 տոկոս (1 283 843,0 կգ) բաժնով և համարվել է գերիշխող դիրք ունեցող: «Պահածոյացված ձիթապտուղ» ապրանքային շուկան ունի բարձր կենտրոնացվածության աստիճան:
